Պաշտպանության նախարարի տեղակալ Դավիթ Տոնոյանը բավական ուշագրավ միտք է արտահայտել՝ ասելով, որ իրենց գնահատականով՝ Ադրբեջանի այսօրվա սպառազինվածության պայմաններում ԼՂՀ շուրջ ձեւավորված անվտանգության գոտին արդեն իսկ բավարար չէ։ Ի՞նչ է սա նշանակում։ Արդյոք նախարարի տեղակալն ուղղակիորեն հասկացնում է, որ Ադրբեջանի կողմից լոկալ կռիվների հրահրման մարտավարության շարունակման դեպքում Հայաստանն ու ԼՂՀ-ն իրենց իրավունք կվերապահեն գրավելու ադրբեջանական որոշ հենակետեր, թե՞ սա ուղղակի իրավիճակի անկեղծ ներկայացում է։
Հաշվի առնելով այն հանգամանքը, որ պաշտոնյաները, հատկապես՝ զինված ուժերը ներկայացնող, մշտապես խոսում են ուժի դիրքերից եւ չեն արտահայտում թուլություն ցույց տվող մտքեր, պետք է հասկանալ, որ սա նախազգուշացում է:
Պետք է նշել, որ այս հայտարարությունը, որ անվտանգության գոտին այլեւս չի բավարարում, նոր միտք է մեր ռազմական քաղաքականության մեջ եւ կարող է ուժերի բալանսի որակական փոփոխության հանգեցնել: Հայաստանը, կարծես, նույնպես սկսում է նախահարձակի լեզվով խոսել, սակայն դա կլինի արդյունավետ միայն այն ժամանակ, եթե ունենա համապատասխան դիվանագիտական ու տեղեկատվական ուղեկցում։ Այս պահին սրանք բացակայում են:
Գոհար ՎԵԶԻՐՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
